ឯកឧត្តម លី សារី ជាសមាជិកក្រុមសមាជិកព្រឹទ្ធសភាប្រចាំភូមិភាគទី៥ បានចុះជួបសំណេះសំណាលជាមួយប្រជាពលរដ្ឋស្ថិតនៅក្នុងភូមិ អណ្តូងជីម៉ឺន ឃុំកំពង់គ្រែង ស្រុកទឹកឈូ ខេត្តកំពត
នារសៀលថ្ងៃទី ៣១ ខែ ឧសភា ឆ្នាំ ២០២៣ ឯកឧត្តម លី សារី សមាជិកគណៈកម្មការទី១ នៃ ព្រឹទ្ធសភា និងជាសមាជិកក្រុមសមាជិកព្រឹទ្ធសភាប្រចាំភូមិភាគទី៥ បានចុះជួបសំណេះសំណាលជាមួយប្រជាពលរដ្ឋស្ថិតនៅក្នុងភូមិ អណ្តូងជីម៉ឺន ឃុំកំពង់គ្រែង ស្រុកទឹកឈូ ខេត្តកំពត ស្តីពី តំលៃសន្តិភាពនិងសិទ្ធិសេរីភាពរបស់ប្រជាពលរដ្ឋ ក្នុងការរស់នៅក្នុងសង្គមសន្តិភាព ។ ទន្ទឹមនឹងនោះឯកឧត្តមបានស្នើសុំអោយប្រជាពលរដ្ឋថែរក្សាសន្តិភាព និងចូលរួមអនុវត្តនូវ គោលនយោបាយភូមិឃុំមានសុវត្ថិភាពទាំងអស់គ្នា ។
ក្នុងកម្មវិធីនេះមានការអញ្ជើញចូលរួមពីថ្នាក់ថ្នាក់ដឹកនាំ គ្រូបង្រៀន ខ្មែរឥស្លាម សមាជិកក្រុមប្រឹក្សាឃុំ មេភូមិ សរុប ១៨៥នាក់។
